LIFE Timber for All presenta as súas solucións construtivas en Egurtek 2026
O proxecto europeo LIFE Timber for All estivo presente na undécima edición de Egurtek, Foro Internacional de Arquitectura e Construción en Madeira, celebrada os días 28 e 29 de outubro no Bilbao Exhibition Centre, a través do espazo expositivo de Finsa e Xilonor.
Durante o encontro, os visitantes puideron coñecer os obxectivos do proxecto e as solucións estruturais híbridas de madeira e formigón (ROD-TCC) que se están a desenvolver para avanzar cara a unha construción máis sostible e reducir o impacto ambiental do sector da edificación.
A participación en Egurtek permitiu dar visibilidade a LIFE Timber for All entre profesionais, empresas e outros axentes vinculados á arquitectura e á construción en madeira. O foro reuniu nesta edición 1.759 visitantes e 78 firmas expositoras, tanto nacionais como internacionais.
Esta presenza enmárcase nas actividades de comunicación e difusión do proxecto, orientadas a compartir os seus avances, dar a coñecer as posibilidades dos sistemas construtivos híbridos e favorecer a transferencia de resultados ao sector.