Xa dispoñible o primeiro boletín de LIFE Timber for All
LIFE Timber for All publica o seu primeiro boletín, un documento que recompila as principais noticias e actividades difundidas na web do proxecto durante os seus primeiros meses de desenvolvemento.
Xa está dispoñible o primeiro boletín de LIFE Timber for All, correspondente ao período setembro 2025–abril 2026. O documento reúne nun único formato as noticias publicadas na web do proxecto, co obxectivo de facilitar a consulta dos principais fitos, avances e actividades desenvolvidas polo consorcio.
Esta primeira recompilación recolle o inicio oficial do proxecto, celebrado en Santiago de Compostela, así como diferentes accións de difusión, visitas técnicas, encontros institucionais e actividades vinculadas á innovación en construción sostible, á descarbonización do sector e ao desenvolvemento de sistemas estruturais híbridos madeira–formigón.
Entre os contidos incluídos atópanse a xornada de lanzamento do proxecto, as sinerxías establecidas con outras iniciativas europeas como LIFE Bauhausing Europe, a participación en eventos sectoriais como Biocultura A Coruña 2026 e GaliBuild Meeting 2026, así como o recoñecemento de solucións híbridas madeira–formigón nos REBUILD Awards 2026.
O boletín tamén recolle avances técnicos do proxecto, coma os traballos desenvolvidos no WP3, centrados en novas formulacións de formigón coa incorporación de cinzas de biomasa, ademais de encontros orientados a reforzar a colaboración entre investigación, industria, administracións públicas e entidades do sector forestal.
Con esta publicación, LIFE Timber for All continúa fortalecendo o seu compromiso coa comunicación e a transferencia de coñecemento, achegando a profesionais, entidades colaboradoras e cidadanía os avances dun proxecto orientado a impulsar unha construción máis sostible, industrializada e baixa en carbono.
A newsletter xa pode consultarse na web do proxecto.