O proxecto LIFE Timber for All explora vías de colaboración coa Lviv Agglomeration Association para a reconstrución en Ucraína
O consorcio do proxecto mantivo un encontro de traballo con representantes da asociación metropolitana de Lviv para compartir solucións de edificación sostible e identificar futuras oportunidades de cooperación.
Innovación e descarbonización na edificación
Representantes de 3EDATA (Boris Hinojo) e IAAC (Daniel Torrego), entidades participantes do proxecto LIFE Timber for All, reuníronse de forma virtual con Roman Kizyma e Iryna Telehii, membros da Lviv Agglomeration Association. Durante o encontro, expuxéronse os obxectivos clave de LIFE Timber for All para descarbonizar a construción mediante o uso de madeira contralaminada (CLT) combinada con formigón. Ademais, explicáronse os deseños desenvolvidos (Rod-Compact. Rod-Alveo, Rod-Box Rod-BoxTens), as ferramentas de trazabilidade como o pasaporte dixital de produto e a integración dos principios da Nova Bauhaus Europea.
Necesidades de reconstrución e potencial da rexión
Pola súa banda, a Lviv Agglomeration Association —que agrupa a 13 municipios e máis dun millón de habitantes no oeste de Ucraína— presentou a necesidade de dispoñer de solucións construtivas rápidas e económicas para a reconstrución e rehabilitación municipal e residencial. Neste sentido, planteouse que a rexión de Lviv poida actuar como un laboratorio vivo (living lab) para implementar modelos de construción industrializada aproveitando os recursos forestais locais.
Próximos pasos
Co obxectivo de articular colaboracións futuras en convocatorias europeas (como a Nova Bauhaus Europea), establecéronse os seguintes acordos principais:
- Análise do contexto industrial: Realizar unha mapeaxe previa sobre a oferta, demanda e industria da madeira en Ucraína para identificar necesidades concretas e esforzos previos realizados ao respecto.
- Diálogo continuo: Manter o contacto institucional entre as entidades e municipios para intercambiar coñementos e explorar alianzas a longo prazo.
