O proxecto publica a súa segunda newsletter, correspondente ao período maio-setembro de 2026, cunha recompilación dos principais avances técnicos, actividades de transferencia e accións de colaboración desenvolvidas durante estes meses.
O proxecto europeo LIFE Timber for All, liderado pola Universidade de Santiago de Compostela (PEMADE) en colaboración cun consorcio de socios académicos e industriais, lanza o seu Estudo de Opinión Inicial.
Este estudo ten como obxectivo establecer a liña de base para medir o coñecemento, a confianza e a percepción do sector e da cidadanía sobre o emprego de madeira local de calidade en construción, as estruturas industrializadas híbridas madeira-formigón (gama ROD-TCC), a trazabilidade dixital e os valores da Nova Bauhaus Europea.
A quen vai dirixida a enquisa?
Queremos contar coa voz de toda a sociedade e dos diferentes profesionais vinculados á edificación e ao medio rural. Ao entrar no formulario, simplemente selecciona o perfil co que máis te identificas e o cuestionario adaptarase para amosarche unicamente as preguntas pensadas para ti:
🏛️ Arquitectura, Enxeñaría, Promoción e Administracións Públicas
🏭 Industria da Construción, Prefabricados e Madeira
🌲 Sector Forestal, Propietarios do Monte e Serradoiros
🎓 Universidades, Centros de Investigación e Formación
🏡 Cidadanía en xeral e persoas interesadas na vivenda sostible
⏱️ Tempo de resposta: Menos de 4 minutos. 🔒 Privacidade: 100% anónimo e suxeito ao RGPD.
👉 [Fai clic aquí para responder á enquisa]
As túas respostas serán fundamentais para avaliar a transformación e o derrubamento de barreiras no sector da edificación ao longo da execución do proxecto.
O consorcio do proxecto mantivo un encontro de traballo con representantes da asociación metropolitana de Lviv para compartir solucións de edificación sostible e identificar futuras oportunidades de cooperación.
O pasado 4 de setembro, PEMADE recibiu a visita do alumnado do Curso Superior de Especialización en Xestión de Obras de Rehabilitación (CEGOR), organizado pola Fundación Laboral de la Construcción.
Durante a xornada, os asistentes tiveron a oportunidade de coñecer de primeira man os produtos desenvolvidos no marco do proxecto LIFE Timber for All, así como os ensaios de longa duración que se están levando a cabo nos laboratorios de PEMADE sobre os sistemas mixtos madeira-formigón.
LIFE Timber for All ensaiou no laboratorio de PEMADE o seu primeiro prototipo a escala real dos sistemas ROD-TCC, un paso clave para validar estas solucións híbridas de madeira e formigón orientadas a reducir a pegada de carbono da construción.
No marco das accións de replicabilidade, transferencia de resultados, comunicación e difusión (WP7 e WP8) do proxecto LIFE Timber for All, investigadores da Universidade de Granada (laboratorio UIMA) participaron o pasado 20 de xullo na xornada técnica organizada pola Rede Lignomad, que reuniu en Cataluña profesionais de toda España vinculados á xestión forestal, á industria da madeira e á construción con madeira.
LIFE Timber for All presentou a FINSA os resultados do estudo sobre a incorporación de cenizas de biomasa en formigón, unha solución con potencial para reducir o uso de cemento e áridos convencionais e avanzar cara a unha construción máis circular.
Este luns, 22 de xuño, na sede da Fundación Laboral da Construción en Santiago de Compostela, a xornada “Metodoloxía NEB e construción con madeira en España”, un encontro orientado a abrir unha conversa estruturada con axentes relevantes do sector arredor dun reto clave: adaptar o marco metodolóxico da Nova Bauhaus Europea (NEB) ao contexto da construción industrializada con madeira en España.
Santiago de Compostela acolleu o 17 de xuño unha reunión de traballo centrada na “Metodoloxía para a certificación do almacenamento de carbono en produtos de madeira para a construción en Galicia”, unha das liñas de desenvolvemento vinculadas ao Sistema Voluntario de Créditos de Carbono da Xunta de Galicia.
O Curso Formativo PEMADE-USC 2026 combina formación especializada, innovación e transferencia de coñecemento para achegar as solucións de construción sostible con madeira desenvolvidas no proxecto LIFE Timber for All.